புரட்சித் தலைவி டாக்டர் ஜெ. ஜெயலலிதா சிஎம்பிடி மெற்றோ நிலையம் சென்னை மெற்றோவின் 2வது வரிசையில் உள்ள மெற்றோ இரயில் நிலையமாகும், இது தற்போது செயல்பாட்டில் உள்ளது. இந்த நிலையம் சென்னை மெற்றோவின் இரண்டாம் தாழ்வாரத்தில் வரும் புரட்சித் தலைவர் டாக்டர் எம்.ஜி.ராமச்சந்திரன் மத்திய மெற்றோ-பரங்கிமலை தொரருந்து தொடரில் வரும் உயரமான நிலையங்களில் ஒன்றாகும். இந்த நிலையம் முக்கியமாகப் புரட்சி தலைவர் டாக்டர் எம்.ஜி.ஆர் பேருந்து நிலையத்திற்கு வருவோருக்குச் சேவை செய்கின்றது. 31 ஜூலை 2020 அன்று, முன்னாள் தமிழக முதல்வர் ஜெ.ஜெயலலிதா அவர்களை நினைவு கூறும் விதமாக தமிழக அரசு புரட்சி தலைவி டாக்டர் ஜெ. ஜெயலலிதா சி.எம்.பி.டி மெற்றோ என்று பெயரிட்டது. இது ஆசியாவின் மிகப்பெரிய பேருந்து மற்றும் மெற்றோ நிலையமாகும்.